首款MMORPG手機遊戲《古惑仔M》正式推出江湖猛人東星駱駝「陳惠敏」重磅代言！

首款MMORPG手機遊戲《古惑仔M》正式推出
江湖猛人東星駱駝「陳惠敏」重磅代言！

《古惑仔Online》電腦遊戲「20週年紀念」作品，首款懷舊風MMO角色扮演手機遊戲《古惑仔M》正式推出，遊戲以《古惑仔》系列作品為背景，俾玩家無縫代入各種經典場景情節，與陳浩南、山雞、大飛等社團大佬一同經歷「洪興」興衰。各位準備好札職成為新一代江湖大佬，橫掃港九社團，打造全新嘅江湖秩序！

東星駱駝「陳惠敏」重磅代言！

《古惑仔M》營運團隊呢次邀請到江湖大佬「陳惠敏」為遊戲代言人。知名港星「陳惠敏」人生經歷十分傳奇，喺演藝圈受人敬重，並流傳「腿有李小龍，拳有陳惠敏」嘅佳話！「陳惠敏」參與演出多部著名電影作品，其中喺《古惑仔》系列電影中飾演嘅龍頭角色「東星駱駝」令人印象十分深刻！呢次《古惑仔》遊戲20週年系列作品——《古惑仔M》誠意邀請代言人「陳惠敏」、《古惑仔》漫畫主編「牛佬」，漫畫繪圖「倫裕國」共同為遊戲拍攝宣傳片，並以香港「黑社會」電影風格嘅方式呈現，務求令大家回想起當年《古惑仔》嘅風采！

夠薑-走私！收陀地！鬥食腦！
經營社團最緊要嘅三大條件，第一：錢，第二：錢，第三：都係錢。係遊戲入面有專門嘅交易市場，俾你施展商業才華！低買高賣，操控物價，壟斷物資，只要你敢做，呢到就可以實現你嘅商業雄圖，展現你嘅傳奇人生！

夠雷-出嚟行義字當頭
為咗俾玩家有親臨其境嘅感覺，遊戲場景真實還原香港、台灣、澳門街道風貌。大家耳熟能詳嘅慈雲山、銅鑼灣、西貢海鮮街、澳門碼頭、台灣立法會一一呈現眼前，俾你再次重溫友情歲月，叱吒風雲任我闖嘅經典場景情節！

夠疊馬-收靚、開片、搶地盤
有人嘅地方就有江湖，唔通你就唔想上位，收靚，做大佬？喺遊戲入面你唔單止可以成立自己嘅社團做大佬，仲可以帶領自己嘅兄弟們進行跨服爭霸，搶地盤，搶資源，搶女人！喺江湖地盤爭霸入面，緊係唔可以少咗把架撐啦，除咗開山刀、雙節棍、鐵鏈呢啲經典「架撐」外，遊戲仲有折凳、紅綠燈、燒乳豬等五花八門嘅武器，俾你喺開片嘅時候，同時做個最出位，最潮嘅古惑仔。